BLog yi nit Lani ninone paga mbanirak nduk ake konggorak. Wone ebe Lani Ninone Logat Kelela yubuk-nggubuk Lani Wone nggok ap mendek logat inom yubuk-unggubuk mbanugun.
Ninone lek a'nduk yogwe nogorak nogo muk lek arit nage ti. Enege yogondak nda'nogorak nogo, liru paga, televisi paga, to paga, ye paga nde paga apit Indonesia inone mban konenggwe, yorogwe, mamunggwe, erit nogwe logonet, nit ninone nogo aret taguk-mbaguk erogo, lek erogo pogorak kenok, an Yikwanak.com/kole nen niniki andi age nagarik, yogondak tanggal 11 November 2018 yi paga, ap ninoboga endage mbogot nggwok Tendani mendek inewe-inogoba ineruwak elu nen wakarak nogo eyom panggonari wage logonet, niniki pii nagak pii wagak konggirak mendek, one ari logonet, "Lani One" yuwak, ari mbake, "Domain Endage Lani.one" yi muk onggo mbanogo pigirak wonage me, blog yi are nenuk a'nuk "install" eki ti.
Epege nagarik, blog yi ebe nano ekak ake nduk konggirak mendek, Eber Iniki nen, "Lek o, Lani One yuwak nduk, aru yaru o, tu kunci narak wonage ti, kurogo napu o," ari mbake an niniki lek aga.
Age nagarik wonage mbaki, one nogo ari logonet, "Lani One ti lengganuwak nduk, kat Kursus Lani One aret internet paga eru, kone kebe paga nagak-wagak eriyak mek agagerak me,ari mbake, Eber Iniki one yegerak tiaret wopinuk blog yi install epinuk, liru yi mbangge.
An Indonesia inone nenu, Lani One nenu, Inggris inone nenu, Tok Pisin nenu, Bislama nenu, togop me, blog yi paga liru yi mamunggolorak mbakirak me, egu paga mamunit norak nduk kinayonggo pigi.
Liru ambetak onggo lek, egu onggo pinuk mamunggak erit norak nduk konit nagin me, nake tamban eriyak kinayonggo pigi.
Nde kit ando tamban ekwe, nengge ekwe eriyak mbakotak kenok, liru mbanogo Emial erogo paniyak ti info@yikwanak.com.
Wa. wa, wa!